Кечээ, 21-май күнү Ысык-Көл облусунун Жарандык коргонуу комиссиясы тарабынан катуу шамалдын кесепеттерин тактоо боюнча кошумча иштер жүргүзүлдү.
Алдын ала маалыматтар боюнча, табигый кырсыктын масштабы чоң болуп чыкты.
Шамалдын кесепетинен Ысык-Көл районунда 14 үйдүн, 1 эс алуу жайдын, 2 чарбалык курулуштун чатырын учуруп, 1 электр мамычасы, 1 унаа жабыркап, 9 бак кулаган.
Жалпылап айтканда, облус боюнча шамалдан:
- 160 турак жай,
- 5 көп кабаттуу үй,
- 26 социалдык объект,
- 173 чарба курулушу,
- 5 унаа,
- 1 трансформатор,
- 36 электр мамычасы,
- 370 метр электр чубалгылары,
- 190 дарак жабыр тартканы белгилүү болду.
Мындан тышкары 7 боз үй, 1 чатыр, 1 кафе, 2 эс алуу жайы, 3 гектар кулпунай айдалган жер, 8000 м интернет чубалгысы жабыркаган.
22-майда Жарандык коргонуу комиссиясы кошумча тактоо иштерин Ак-Суу жана Ысык-Көл райондорунда улантат.
Google Play
App Store