Бүгүн, 2025-жылдын 20-майда, Баткен облусунун Кадамжай районундагы Боз айылынын тоо бетинде жайгашкан өз алдынча көмүр казуучу карьерде (9-забой) трагедиялуу окуя катталды. Өзгөчө кырдаалдар министрлигинин маалыматына ылайык, карьерге уулуу газ толуп кеткендиктен, ичинде болгон бир эркек киши сыртка чыга албай калган.
Окуя болгон жерге Тоо кырсыгынан куткаруу кызматынын өзүнчө мобилдештирилген тобунан 6 куткаруучу тартылган. Алар жабыркаган жарандын (аты-жөнү такталууда) сөөгүн забойдун 90 метр тереңдигинен чыгарып, туугандарына өткөрүп беришти.
Учурда кырсыктын келип чыгуу себептери иликтенип жатат. Өз алдынча көмүр казуучу карьерлерде коопсуздук эрежелеринин сакталбагандыгы буга чейин да бир нече жолу кырсыктарга алып келген.
Google Play
App Store