Жол чарба департаментинин Нарын аймактык бөлүмүнөн билдиришкендей, облус аймагына 5-10 сантимерге чейин кар жаады.
Бишкек-Нарын-Торугарт унаа жолунун ашуу жана белдеринде жолчулардын кезмети уюштурулуп тиешелүү жумуштар алып барылууда. Учурда жолдор ачык, каттам бар.
"Долон" ашуусунда 5-10, Оттук капчыгайында 4-8, Кызыл-Бел ашуусунда 4-8, Чар участкасына 3-8, Нарын-Орук-Там унаа жолунда 5-10 сантиметрге чейин кар жаады. Ал эми "Долон" ашуусундагы карды тазалоого бир автогрейдер чыкты. Ак-Бейит, Түз-Бел ашуулары дагы жолчулардын көзөмөлүндө. Жолдун тайгак участкаларына кум-шагыл аралашмасы чачылды. Ар бир Жол тейлөө ишканаларында кезмет уюштурулган.
Дөңгөлөгүндө чынжырча жок оор жүк ташуучу унаалар Кызыл-Белде жолдун четине туруп калды. Бирок, жол жабылган жок",- деди аталган бөлүмдүн башкы адиси Нурбек Кубанычбек уулу.