Түркиянын жер титирөө болгон Газиантеп шаарындагы мекендештер Бишкекке келишти. 22 кыргызстандык Казакстандын атайын борту менен Астанага эвакуацияланып, кичи автобус менен Бишкекке жеткирилди.
Жарандарды кыргыз-казак чек арасындагы “Ак-Жол” өткөрмө бекетинен Өзгөчө кырдаалдар министрлигинин кызматкерлери атайын унаа менен тосуп алды. Баарынын абалы жакшы. Алардын ичинен наристелүү келин Астана-Бишкек аба каттамы аркылуу Кыргызстанга келген.
Ошондой эле, Кыргызстандын дагы 6 жараны Өзбекстандын атайын борту менен Ташкент шаарына жөнөтүлгөн. Ал жактагы элчилик эвакуацияланган жарандардын өлкөгө кайтып келишине көмөк көрсөтөт.
Google Play
App Store