Өлкөдө чакан өндүрүш өнүгүүдө. Мындай жыйынтык “Кыргызстанда чакан жана орто бизнестин абалына жана анын экспорттук потенциалына баа берүү” боюнча жүргүзүлгөн изилдөөнүн натыйжасында белгилүү болгон. 

Сурамжылоо 7-синен 28-сентябрга чейин жүргүзүлүп, ага 722 жеке ишкер жана юридикалык жактар катышкан. Респонденттердин болжол менен 50 пайызынын бизнеси туруктуу. 30% өнүгүп келе жатканын билдиришкен. Калгандары -- туруксуз, сатуу мүмкүнчүлүгү начар экенин айтышкан. 

Ошондой эле, көпчүлүк ишкерлер, мамлекет тарабынан каржылык колдоо керектигин белгилешкен. 

Мындан сырткары, респонденттердин 18% насыя кепилдиктерине муктаж болсо, 17% министрлер кабинетинен салык жеңилдиктерин күтүп жатышканы белгиленди.