Бишкек шаарында электрге төлөмдөрдү өз убагында төлөбөгөн абоненттердин жарыгы өчүрүлөт. Өчүрүү 29-ноябрда башталат.
Чүй электр тармактар ишканасы билдиргендей, “акылдуу” эсептегичтердин эсебинде Бишкекте 4 миң 300 электр колдонуучунун карызы бар. Ыңгайсыздыктарга кабылбаш үчүн компания абоненттерди электр энергияга болгон эсеп-кысапты өз маалында жүргүзүүгө чакырат.
Белгиленгендей, Чүй электр тармактар ишканасынын сайтында “Абоненттин балансы” рубрикасы иштеп келет. Анын жардамы менен бардык абоненттер өздүк эсебин каалаган учурунда биле алышат.
Google Play
App Store