"Жашыл мурас" улуттук кампаниясынын алкагында Бишкек шаарындагы "Ынтымак" эс алуу багына көчөттөр отургузулду. 

Дин иштери боюнча мамлекеттик агенттик уюштурган иш-чарага Министрлер Кабинетинин Төрагасы Акылбек Жапаров жана Конфессиялар аралык кеңешинин өкүлдөрү катышты. Иш-чаранын негизги максаты социалдык инфратүзүмдү, шаардын санитардык абалын жакшыртуу, жашылдандыруу-көрктөндүрүү менен бирге конфессиялар аралык диологду чыңдоо. 

Министрлер Кабинетинин Төрагасы "дүйнөдө көптөгөң терс көрүнүштөр болуп жаткан чакта Кыргызстан конфессиялар, этностор аралык тынчтыкка жана биримдикке чакырып, ушундай керектүү жана жемиштүү иш-чараларды өткөрүүнү суранам" дейт.

""Жашыл мурас" улуттук жашылдандыруу кампаниясынын алкагында Бишкекке 100 миңге жакын бак-дарактарды отургузуу пландалууда. Ошол иш-чарага ушундай ынтымактуу биргелешип киришип жаткандын өзү бул бийиктик, достук",- деди Министрлер Кабинетинин Төрагасы Акылбек Жапаров.