Президент Садыр Жапаров Жамааттык коопсуздук келишим уюмунун Жамааттык коопсуздук кеңешинин кезексиз сессиясына видеоконференция форматында катышат. 

Анда Афганстандагы кырдаал жана анын ЖККУга мүчө-мамлекеттердин коопсуздугуна таасири, ошондой эле чек ара аралык чакырык жана коркунучтарга биргелешкен натыйжалуу реакция кылуу маселеси талкууланат. Сессия Тажикстан Президенти Эмомали Рахмондун төрагалыгы алдында өтөт. 

Иш-чарага Беларусь Президенти Александр Лукашенко, Казакстандын Президенти Касым-Жомарт Токаев, Россия Федерациясынын Президенти Владимир Путин, Армениянын Премьер-министри Никол Пашинян, ошондой эле ЖККУнун Башкы катчысы Станислав Зась катышаары күтүлөт.