Мурдагы премьер-министр Темир Сариевдин баш коргоо чарасы каралып, эки айга камакка алынды. Бул тууралуу Бишкек шаардык Биринчи май райондук сотунан кабарлашты.
"Темир Сариев Биринчи май райондук сотунун 4-августтагы чечими менен 30-сентябрга чейин УКМКнын убактылуу кармоо жайына киргизилди", — деп айтылат билдирүүдө.
Эске салсак, 3-август күнү мурдагы премьер-министр Темир Сариев кармалган. УКМК Сариев экономика министри, ошол эле учурда мамлекеттик комиссиянын төрагасы болуп турган учурда Кумтөр кенинин ишинен экологияга келтирген чыгымдын суммасын азайтып койгон деп шектелүүдө.
Google Play
App Store