Борбордук шайлоо комиссиясынын мүчөлөрү Ош шаардык кеңешине шайланып келген 45 депутатка мандат тапшырды. Ош шаардык кеңешинин депутаттарын кайталап шайлоо 11-июлда өткөн. 

Анда, ат салышкан сегиз партиянын ичинен төрт партия жети пайыздык босогодон өтүп, жеңишке жетти. Шайлоодон БШК тарабынан чететтилген “Биздин Кыргызстан ” партиясы соттон утуп чыгып, кайрадан катарга кошулду. 

Натыйжада, “Ата-Журт Кыргызстан” париясына - 19 мандат, “Биздин Кыргызстан” партиясына – 15, “Улуттар биримдигине” 7 жана 4 мандат “Бир Бол” партиясына бөлүштүрүлдү. Алдыда, шаардык кеңешке келген партиялар алгачкы отурумунда коалиция түзүү жана төрага шайлоо маселелерин карайт.