Милдеттүү медициналык камсыздандыруу фонду медицина кызматкерлерине май айы үчүн 131 миллион 788 миң сом төлөп берди. Бул тууралуу аталган фонддун маалымат кызматы кабарлады. 

Ага ылайык, компенсация коронавирус менен күрөшүүгө тартылган 5 миң 94 медикке берилген. Стационар менен госпиталдагы 2 миң 901 медикке 101 миллион 108 миң сом, обсервациялардагы 651 кызматкерге 15 миллион 629 миң сом, мобилдик бригададагы 334 кишиге 8 миллион 88 миң сом, Тез жардам станцияларындагы 809 ак халатчанга 3 миллион 64 миң сом, санитардык-карантиндик пункттагы 55 адамга 452 миң 900 сом, патологоанатомиялык кызматта иштеген 8 кызматкерге 36 миң 700 сом, башка кызматтарда иштеген 336 кишиге 3 миллион 408 миң сом төлөндү.