Пандемия учурундагы кыргызстандыктардын турмушун баяндаган “2020” аталышындагы киноальманахтын бет ачары өттү. Анда бүткүл дүйнөнү каптаган коронавирус кыргыз элин да түйшүккө салганы баяндалат. 

10 бөлүктөн турган кыска метраждуу тасмада ковиддин үй-бүлөгө, андагы каармандардын жашоосуна тийгизген таасири чагылдырылат. Ал USAIDдин саламаттык сактоо тутумунун туруктуулугун жогорулатуу долбоорунун алкагында Кыргызстандагы “Интервьюс” менен кызматташтыкта даярдалды. Тасма телеканалдарда июнь айынын аягында көрсөтүлмөкчү. Ошондой эле иш-чарада былтыр оорунун күчөп турган мезгилинде туура, так, объективдүү маалыматттарды берген бир катар жалпыга маалымдоо каражаттары менен продакшн студиялар сыйланды.