Бишкекке Эверест чокусун багынткан альпинист Эдуард Кубатов кайтып келди. Спортчуну үй-бүлөсү, туугандары, достору, күйөрмандары, Жаштар иштери, дене тарбия жана спорт боюнча мамлекеттик агенттиктин өкүлдөрү салтанат менен тосуп алышты.
Эдуард Кубатов ушул жылдын 23-майында Эверест чокусун багындырган. Айтымында, эл аралык экспедицияга катышкан 14 адамдын ичинен 5 альпинист гана Эверестке жеткен. Ал бул чокуга чыгууга 2014-жылдан бери даярдык көрүп келген. Эми спортчунун пландарында Денали жана Винсон чокуларын багынтып, «Дүйнөнүн жети чокусу» программасын аткаруу турат.
Google Play
App Store