Кыргызстанда "Ааламдык ак бата" аталышындагы бүткүл дүйнөлүк руханий форуму өтөт. Бул тууралуу "Кыргыз жолу" коомунун төрагасы Кадыр Кошалиев билдирди. 

Жаңы кабыл алынган Конституцияда өлкөнүн руханий-маданий багыттары белгиленген. Мындан тышкары, президент "Инсандын руханий-адеп-ахлактык өнүгүүсү жана дене тарбиясы жөнүндө" жарлык чыгарган. Ага ылайык, атайын концепция иштелип чыгып, коомдук талкууда турат. 

Форум 21-23-июнь күндөрү Суусамыр жайлоосунда башталып, Ысык-Көлдө жыйынтыкталат. Иш-чаранын алкагында "Руханият - баарын бириктирет" аталышындагы конференция уюштурулат. Жыйынтыгында "Тынчтык жана биримдик" манифести жана “Бүткүл дүйнө элине кайрылуу” документи кабыл алынат.