Борбордук шайлоо комиссиясынын алдында митинг өттү. Акцияга саясий партиялардын 50дөй өкүлдөрү катышып, парламенттик кайра шайлоо БШК буга чейин белгилеген мөөнөттө өтүшүн талап кылышты. 

Белгилей кетсек, 22-октябрда Жогорку кеңеш "Президентти жана Жогорку Кеңештин депутаттарын шайлоо жөнүндө" конституциялык мыйзамдын 63-жана 38-беренелерин токтоткон мыйзамды кабыл алган. 

Ага ылайык, парламенттик кайра шайлоо конституциялык реформаларды өткөргөндөн кийин, бирок 2021-жылдын 1-июнунан кечиктирилбеген мөөнөттө өтүшү керек. Өзгөртүлгөн шайлоо мыйзамына ошол эле күнү президенттин милдетин аткаруучу, премьер-министр Садыр Жапаров кол койгон.