Бишкектин жана Чүй облусунун аймагында синтетикалык баңгизаттарды сатуу каналынын ишмердүүлүгүнө бөгөт коюлду. Бул туурасында Улуттук коопсуздук боюнча мамлекеттик комитет билдирди. 

Маалыматта айтылгандай, жеке адамдар тарабынан синтетикалык баңгизаттарды «Telegram» социалдык тармагындагы интернет-дүкөндөр аркылуу таратуу, анын ичинде мектеп окуучуларына, өспүрүмдөр үчүн жеткиликтүү болгондугу аныкталган. Атайын иш-чаралар баңги заттарды таратуунун ыкмаларын жана жолдорун документтештирип, көптөгөн жаштарды баңгичиликке тартуу боюнча жигердүү иштерди алып барып жүргөн, ошондой эле дары-дармек синдикатынын активдүү мүчөсү Кыргызстандын жараны экени аныкталды. 20-октябрда Бишкек шаарында баңги затынын кезектеги партиясын сатып жаткан жеринен аталган жаран кармалып, эки айга камалды. Козголгон кылмыш ишинин алкагында баңгизаттарды сатуу каналына тиешеси бар башка адамдарды аныктоо боюнча кошумча чаралар көрүлүүдө. Тергөө жүрүп жатат.