Жасалма акча сатууга аракет кылган адамдар кармалды. Бул туурасында УКМКнын маалымат кызматы кабарлады.
10-октябрда Бишкек шаарында 5 700 доллар өлчөмүндөгү жасалма банкноттордун партиясын сатууга аракет кылган Кыргызстандын эки жараны кармалды. Ошол эле учурда бул адамдар криптовалюта сатып алууну көздөгөндүгү аныкталган.
Кылмыш-жаза кодексинин Акчаны жана баалуу кагаздарды жасалмалоо беренеси боюнча козголгон кылмыш ишинин алкагында кармалган жарандар УКМКнын камак жайына киргизилди.
Тергөө иштери жүрүп жатат.
Google Play
App Store