Ички иштер министрлигинин өздүк курамына министрдин жаңы орун басарлары Октябрь Урманбетов менен Эркебек Аширходжоев тааныштырылды. 

ИИМдин басма сөз кызматы билдиргендей, вице-премьер-министр Максат Мамытканов жана өкмөттүн аппаратынын коргоо, укуктук тартип жана өзгөчө кырдаалдар бөлүмүнүн башчысы Азамат Араев жаңы орун басарларды тааныштырды. 

Аталган иш-чарага ички иштер министри Улан Ниязбеков, министрдин орун басарлары, министрликтин кызматтарынын, башкы башкармалыктарынын жетекчилери катышты. Октябрь Урманбетов Ысык-Көл Облустук ички иштер башкармалыгынын башчысы кызмат ордунда 2016-жылдын апрелинен 2019-жылдын январь айына чейин иштеген. Эркебек Аширходжоев ИИМдин тергөө кызматынын башкармалыгынын башчысы болгон. Ички иштер министринин мурдагы орун басары, милициянын генерал-майору Алмазбек Орозалиев бул кызмат ордунда 2015-жылдан бери иштеп келген. Эми ал ИИМдин кадрлар карамагында болот.