Ак аюулардын популяциясы кийинки 35 жыл ичинде 30 пайызга кыскарышы ыктымал. Мындай бүтүмдү АКШнын геофизиктери чыгарды. Түрдүн жоголуп кетиши глобалдык жылуулуктан көз каранды. Себеби Арктиканын муздары эрип, ак аюулардын жашай турган жер аймагы азаюуда.

Жер катмарынын температурасы улам жогорулаган сайын арктикалык муздардын эришине алып келип, ак аюулардын өмүрүнө коркунуч жаратууда. 35 жылдын ичинде алардын популяциясы үч эсеге кыскарышы мүмкүн. 

Мындай чечимге америкалык геофизиктер жүргүзгөн изилдөөлөрдүн жүрүшүндө келди. Алар 1979-жылдан 2015-жылга чейинки мөөнөттө алынган спутниктин маалыматтарын салыштырып изилдешкен.

Ак аюулар кыймылсыз, ошондой эле калкып жүрүүчү деңиз муздарында турушат. Ошол жерде нерпага, тюлендерге жана башка деңиз жандыктарына аңчылык кылат. Артикалык муздардын эришинен улам аюулар өзүнө тамак-аш таба турган жерлер азайгандан азаюуда. Окумуштуулар өзүнүн изилдөөлөрүн полярдык жырткычтарды коргоодо маанилүү дешет.
Учурда ак аюулардын саны 26 миңге барабар деп айтылууда. Бул түр Табиятты коргоо боюнча эл аралык уюмдун Кызыл китебине киргизилген.