Орусияда жол кырсыгынан каза тапкан 14 мекендештин сөөгүн алып келүү үчүн Өзгөчө кырдаалдар министри Бообек Ажикеев башында турган атайын топ 23-август күнү Ош шаарынан учуп кетти.
Куткаруучулардан турган атайын топ Ульяновск убактысы боюнча саат 10:40та аталган шаардын аэропортуна конот. Мекендештердин сөөгүн алып, кайра Кыргызстанга учуп чыгат. Кыргызстандын убактысы боюнча саат 17:40 чамасында каза болгон жарандардын сөөгү Ош шаарынын аэропортуна алынып келет. Мекендештердин сөөгүн кичи мекенине чейин жеткирүү милдети да Өзгөчө кырдаалдар министрлигине жүктөлгөн.
Google Play
App Store