Акыркы жумада республикада 16 миң 903 жол эрежесин бузуу катталды. Бул тууралуу Жол кыймылынын коопсуздугун көзөмөлдөө башкы башкармалыгынын басма сөз кызматы билдирди.
Рейддик иш-чаралардын негизинде бир жумада транспорт каражаттарынын айдоочуларынын кыймылдын белгиленген ылдамдыгынан ашкандыгы үчүн – 3404, тиешелүү документи жок башкаргандыгы үчүн – 187, эксплуатациялоо эрежелерин бузгандыгы үчүн – 5815, автоээнбаштык – 10, мас абалындагы айдоочунун транспорт каражатын башкаргандыгы үчүн – 245 айдоочуга тиешелүү чаралар көрүлүп айып пул салынды. Ал эми унаа токтотуучу жайга 795 унаа киргизилди.
Google Play
App Store