20-21-июль күндөрү "Ысык-Көл" аэропорту менен Чолпон-Ата шаарынын ортосунда жол кыймылына убактылуу чектөө киргизилет. Бул тууралуу Жол кыймылынын коопсуздугун камсыздоо башкы башкармалыгынын маалымат кызматы билдирди.
Эске салсак, бул күндөрү Ысык-Көлдө Борбор Азия өлкөлөрүнүн президенттеринин консультативдик IV жолугушуусу болот.
ЖКККББ чектөө учурунда жол боюна токтотулган унаалар эвакуация болорун эскертти.
Башкармалык Ысык-Көл облусунун тургундары менен конокторун иш-чарага түшүнүү менен мамиле кылып, жол эрежесин бузбоого чакырды.
Google Play
App Store