"Кыргыз темир жолу" мамлекеттик ишканасы Москва Кыргызстандан Орусияга Казакстан аркылуу поезд каттамдарын жандантып, жүргүнчү ташууга уруксат алуу боюнча сүйлөшүүлөр уланып жатканын билдирди.
Өткөн аптада казак тарап 21-февралдан тартып өзүнүн аймагы аркылуу поезд менен кыргызстандык жүргүнчүлөрдүн каттоосуна уруксат берген. Бул маселе 15-16-февраль күндөрү Алматыда эки өлкөнүн соода-экономикалык кызматташуусу боюнча жумушчу топтун жыйынында кабыл алынган.
Кыргызстандан Орусияга жүргүнчү ташыган поезд каттамы 2020-жылы мартта коронавирус пандемиясынан улам жабылган. Ага чейин жумасына эки жолу Бишкек - Москва, сегиз күндө бир жолу Бишкек - Новосибирск жана аптасына бир ирет Бишкек - Казань каттамы болгон.
Google Play
App Store