«Мамлекеттик ипотекалык компания» ачык акционердик коому өнөктөш-банктар аркылуу “Менин үйүм 2021-2026” программасынын алкагында “Жеңилдетилген ипотека” жана “Арзан ипотека” багыттары боюнча ипотекалык насыяларды каржылоону жана берүүнү жандантты. 

Компаниянын сайтында маалымдалгандай, “Жеңилдетилген ипотека” жана “Арзан ипотека” багыттары боюнча электрондук порталында бекитилген программанын бардык катышуучулары “РСК Банк” ААК, “Айыл Банк” ААК жана “Бакай Банк” ААК филиалдарына кайрылса болот. Жеңилдетилген ипотека 4% пайыз менен 25 жылга чейин берилет. Аны алуу үчүн алгач мамлекеттик ипотекалык компаниянын порталына электрондук түрдө кезекке туруп, ал кезек жактырылган соң өнөктөш банктарга барууга болот.