Өткөн суткада Кыргызстанда 78 кишиден коронавирус табылып, 72 бейтап айыкты. Бул тууралуу Республикалык штаб кабарлады.
Аймактар боюнча алганда, Бишкекте - 23, Чүй облусунда - 22, Ош облусунда - 1, Талас дубанында - 5, Ысык-Көл аймыгында - 12, Жалал-Абадда - 10, Баткен облусунда - 5 адам вирусту жугузуп алган. Өлкөдө илдетти жуктургандардын жалпы саны 181 миң 668ге жетти. Анын ичинен 176 миң 25 адам айыкты.
Тилекке каршы, оору эки бейтаптын өмүрүн алып, жалпысынан 2 миң 681 киши коронавирустун курмандыгы болгон. Азыркы тапта стационарда 642, ал эми амбулатордук шартта 798 адам дарыланып жатканы айтылды.
Google Play
App Store