"Кумтөр" долбоорунун айланасындагы Эл аралык арбитраждык жана башка соттук процесстерде мамлекеттин кызыкчылыгын коргоонун натыйжалуулугун жогорулатуу боюнча мөөнөттүү чаралардын планы бекитилгенин Юстиция министрлиги билдирди. 

Убактылуу иш-чаралардын комплекси төмөнкүлөрдү камтыйт: мамлекеттин юрисдикциялык иммунитетин күчөтүүгө басым жасоо менен инвестициялык мыйзамдарды өркүндөтүү, жергиликтүү же эл аралык юристтердин кызмат көрсөтүүлөрүнүн сапатына баа берүү боюнча шаймандарды киргизүү жана чыгымдардын деңгээлине мониторинг жүргүзүү, эл аралык юристтер менен иштөө үчүн арбитраждык маселелер боюнча жергиликтүү топту түзүү, жогорку тобокелчилик топтордогу мамлекеттик органдар жана кызматкерлер менен талдоо жана түшүндүрүү иштерин жүргүзүү.

Планды ишке ашыруу мамлекетти юрисдикциялык жактан коргоо жагынан чектерди жогорулатып, Кыргызстанга каршы арбитраждык доолордун дараметин төмөндөтөт. Белгилей кетсек, өлкөгө каршы демилгеленген бардык арбитраждык процесстердин мазмунуна талдоо башталды.