Тышкы иштер, тышкы соода жана инвестициялар министринин биринчи орун басары Нуран Ниязалиев Литванын Кыргызстандагы элчиси Гинтаутас Васюлис менен жолугушту. 

Сүйлөшүүнүн жүрүшүндө соода-экономикалык чөйрөдө өз ара пайдалуу кызматташууну активдештирүү, айыл чарба, IT-технологиялар, санариптештирүү, транспорт, логистика, фитосанитария жана стандартташтыруу сыяктуу тармактарда биргелешкен долбоорлорду ишке ашыруу зарылдыгы белгиленди.

Тараптар укуктук базаны кеңейтүүнүн, транспорт тармагындагы кызматташтыкты өнүктүрүүнүн айкын маселелерин, анын ичинде аба каттамдарын ачуу, COVID-19 менен күрөшүү боюнча биргелешкен иштерди талкуулашты. Кыргызстан менен Литва эл аралык платформаларда өз ара активдүү аракеттенүү ниетин билдиришти.