"Жалпыбыздын ишибиз" коомдук фондунун байкоочулары жергиликтүү кеңештердин депутаттарын шайлоо күнү 101 мыйзам бузууну каттады. Алардын 65и Бишкекте, 36сы Ошто. Байкоочулардын укуктарын чектеген учурда Оштогу №5301 жана Бишкектеги 1332, 1343, 1028 участокторунда катталган.

Ошондой эле байкоочулары айрым шайлоо тилкелеринде бюллетендерди кайра эсептөө, чүчү кулак сыяктуу бузууларды каттоого алышкан. Мындан сырткары, добуш берүү күнүндө Оштогу № 5290, 5300, 5288, 5285, 5288, 5295, 5283 жана Бишкектеги 1334 жана 1314 шайлоо тилкелеринде үгүт иштери жүргүзүлгөн.

Кечээ, 11-апрелде Кыргызстандын 28 шаардык жана 420 айылдык кеңештин депутаттарын шайлоо өттү. Ошол эле күнү кыргызстандыктар Баш мыйзамдын жаңы долбооруна добуш беришти.