Коррупция фактысы боюнча Жогорку Кеңештин депутаты кармалды. Бул тууралуу Улуттук коопсуздук боюнча мамлекеттик комитеттен билдиришти. 

Учурда УКМК Кылмыштар жана жоруктардын бирдиктүү реестрине Кылмыш-жаза кодексинин "Коррупция" беренеси боюнча катталган сотко чейинки өндүрүштү иликтөөдө. 

Бишкек шаарынын Биринчи май райондук сотунун чечими менен депутатка УКМКнын тергөө абагына 2 айлык мөөнөткө камакка алуу түрүндө баш коргоо чарасы каралды. 

Ошол эле күнү УКМК менен ИИМдин тергөө кызматынын биргелешкен ыкчам издөө иш-чараларынын натыйжасында кылмыштуу топтун дагы бир мүчөсү Жантай Шаменов Чүй облусунун аймагында кармалды. Ал Жазык-процесстик кодексинин 98-беренеси боюнча шектелип, УКМКнын убактылуу кармоочу жайына киргизилди. 

Учурда тергөө иштери жүрүп жатат.