Кыргыз Республикасынын Батыры, Кыргыз Эл жазуучусу, көрүнүктүү коомдук ишмер, легендарлуу парламенттин депутаты Төлөгөн Касымбековдун 90 жылдыгына арналган “Төлөгөн Касымбеков - улуттук тарыхый романистиканын залкары” деген темада эл аралык илимий-тажрыйбалык онлайн конференция өттү. Анда чыгаан жазуучунун ысмын түбөлүккө калтыруу боюнча маселе көтөрүлдү.

Конференцияда чыгаан жазуучунун өмүр жолу жана чыгармачылыгы, чыгармаларында кыргыздардын 19-кылымдын экинчи жарымындагы 20-кылымдын башындагы тарыхый окуялардын чагылдырылышы, элибиздин тарыхый аң-сезимин ойготуп, өнүктүрүүдөгү, эгемендүүлүктүн пайдубалын түптөөгө кошкон салымы тууралуу баяндалды.