Өзгөн районунда жеке клиникадан өрт чыкты. Анда дарыланып жаткан 10 бейтап эвакуацияланып, жакынкы ооруканаларга жайгаштырылды.
Өрттөн колунан 2-даражада күйүк алган бейтапка медициналык жардам көрсөтүлүп, абалы жакшы деп бааланууда. Бул туурасында клиниканын жетекчиси билдирди.
Кырсык, 12-январда болжол менен кечки саат алтылар чамасында катталган. Андан имараттын чатыры, 16 бөлмөдөгү медициналык жабдуулардын баары керектен чыккан. Бейтапкана Өзгөн райондук ооруканасынын аймагында жайгашкан. Учурда кырсыктын себептери иликтенүүдө.
Google Play
App Store