Белгилүү кинорежиссер "Кыргыз кино кереметин" жаратуучулардын бири, СССРдин эл артисти, Кыргыз Республикасынын эл артисти, II даражадагы "Манас" ордени жана башка сыйлыктардын ээси Болот Шамшиев көзү тирүү болгондо бүгүн, 12-январда 80 жашка чыкмак. 

Бул датага ылайык, А. Осмонов атындагы Кыргыз улуттук китепканасында саат 11:00дө Болот Шамшиевдин “Баатыр жүрөк Кааба” китебинин бет ачаар аземи өтөт. Ошондой эле Ч. Айтматов атындагы кино үйүндө саат 14:00дө эскерүү кечесин өткөрүп “Ак кеме” көркөм тасмасын көрсөтүлөт. 

Иш-чарага таланттын кесиптештери чыгармачылыгына күйөрмандык кылган бардык каалоочулар жана үй-бүлөөсү катышат. Белгилүү кинорежиссёр Шамшиев "Кыргыз кино кереметин" жаратуучулардын бири. СССРдин эл артисти, Кыргыз Республикасынын эл артисти, II даражадагы "Манас" ордени жана башка сыйлыктардын ээси болгон. "Ак кеме", "Караш-Караш окуясы", "Сүйүү закымдары", "Адамдардын арасында", "Эрте келген турналар", "Бөрү зындан", "Снайперлер", "Фудзиямадагы кадыр түн" жана башка атактуу кинолордун режиссёру болгон. Болот Шамшиев 2019-жылдын 21-декабрында 78 жаш курагында каза болгон.