Жаратылыш ресурстарын өндүрүүнүн жалпы суммасынын ичинде көмүрдүн үлүшү көбөйдү. Мындай маалыматты Улуттук статистика комитети билдирди. 

2015-жылы көмүрдүн үлүшү 9,7 пайызды түзсө, 2019-жылы 10,5 пайызга жетти. Ошондой эле, 2019-жылы көмүр өндүрүүнүн көлөмү 2,6 млн тонна болуп, 2015-жылга салыштырмалуу 35 пайызга жогорулаган. Негизинен алганда көмүр ички рынокто керектелет. 

Ал эми мунай заттарына болгон суроо-талап негизинен импорттук келип түшүүлөрдүн эсебинен толтурулат. 2019-жылы 83 миң тоннадан ашык дизелдик май өндүрүлүп, 2015-жылга салыштырмалуу 1,5 эсеге көп болгон. Ошол эле жылы мазутту өндүрүү 115 миң тоннаны түздү. Бул башка жылдарга салыштырмалуу азыраак.