Ден соолугунан мүмкүнчүлүгү чектелген адамдардын эл аралык күнүнө карата Ош шаарынын вице-мэри Эмил Шадыханов шаардагы 12 көмөкчү мектебинин, көзү азиз жана көрүүсү начар балдардын адистештирилген мектеп-интернатынын жана шаардын кыймыл-таяныч тутумундагы мүмкүнчүлүгү чектелген балдарды реабилитациялоо борборунун жетекчилерин кабыл алды. 

Вице-мэр шаар мэри Таалайбек Сарыбашовдун атынан жетекчилерди майрамы менен куттуктап, алардын жасап жаткан эмгеги чоң экендигин баса белгиледи.Иш-чаранын жүрүшүндө вице-мэр жетекчилерге Ош шаарынын мэриясынын атынан 10 миң сомдон акчалай жардам берди. 

Ошондой эле Шадыханов мүмкүнчүлүгү чектелген адамдар тарбияланган мектеп-интернат, борборлордун жетекчилеринин маселе, көйгөйлөрүн угуп, аларды чечүү боюнча тапшырмалар берилди. Айта кетсек, учурда Ош шаарында жалпы 7 099 ден соолугунун мүмкүнчүлүгү чектелген жаран бар.