Кыргызстандыктар ноябрь айында беш күн катары менен эс алат. Бул маалыматты Эмгек жана социалдык өнүктүрүү министрлиги тастыктады. Ага ылайык, 7-8-9-10-11-ноябрь күндөрү дем алыш болуп эсептелет. Эске салсак, 7-8-ноябрь - Тарых жана ата-бабаларды эскерүү күнү катары жарыяланган. 9-ноябрь жума күн дагы дем алыш күн болот. Бирок, кыргызстандыктар ал күндү 3-ноябрь ишемби күнү иштеп берет. 10-11-ноябрь ишемби жана жекшембиге туура келет.

Ал эми окуучулардын эс алуу күндөрү тууралуу айтсак, бир жумадан кийин окуучулар күзгү каникулга чыгат. Билим берүү жана илим министрлиги тараткан маалыматка ылайык, окуучулар 5-ноябрдан 12-ноябрга чейин, жалпысынан сегиз күн эс алышат.