Жогорку Кеңештин депутаттарын мөөнөтүнөн мурда шайлоого катышуу ниетин билдирип, арыз тапшыргандардын саны 343кө жетти. Бул тууралуу Борбордук Шайлоо Комиссиясынан билдиришти. Арыздарды кабыл алуу 30-октябрда аяктайт. 

Белгилей кетсек, Жогорку Кеңештин депутаттарын мөөнөтүнөн мурда шайлоо 30-ноябрда өтөт. Үгүт иштери 10-ноябрда башталат. Алдын ала тизмеге 4 млн 287 миңден ашык шайлоочу кирди. 30-октябрга чейин жарандар тизмеден өзүн такташы керек болот. Өнөктүктү утурлай өлкө боюнча 2492 шайлоо тилкеси ачылат.