Кыргызстандык балбан Тайырбек Жумашбек уулу Египетте өткөн Ibrahim Moustafa эл аралык мелдешинде алтын медаль утту.

Ал эркин күрөшү боюнча 61 кг салмакта катышып, финалда украиналык Тарас Марковичтен 9:2 эсебинде алдыга чыгып, турнирдин жеңүүчүсү болду.

Жумашбек уулу мелдештин башында армениялык балбанды 10:0, өзбекстандык спортчуну 7:4, ирандык балбанды 18:6 эсебинде уткан. Дагы бир балбан Бекзат Алмаз уулу ушу эле эл аралык мелдеште коло медалын багындырды.