УКМК Лейлектеги «Максат» чек ара заставасынын аскер кызматкери пара алып жаткан жеринен кармалганын кабарлады.

2025-жылдын 24-июнунда УКМК тарабынан Аскер кызматчыларынын жана башка мамлекеттик кызматкерлердин арасындагы коррупцияга каршы күрөшүү боюнча жүргүзүлүп жаткан иш-чаралардын алкагында Кылмыш-жаза кодексинин 342-беренесинин 2-бөлүгүнүн 1-пункту боюнча (пара алуу) козголгон кылмыш ишинин негизинде, Баткен облусундагы Лейлек районунун Эски-Оочу айылында 30 миң сом өлчөмүндө пара алып жаткан учурда УКМКнын Чек ара кызматынын “Максат” чек ара заставасынын 2021 аскер бөлүгүнүн аскер кызматкери А.М.А. кармалды.

 Ыкчам-иликтөө иш-чараларынын жүрүшүндө, мүмкүн болгон контрабандалык жүктөрдү аныктоо жана алдын алуу үчүн түзүлгөн посттор аркылуу Тажикстан багыты боюнча контрабандалык жүктөрдү системалуу түрдө өткөрүп жүргөндүгү тууралуу маалыматтар алынган.

 Тергөө иштери жүрүп жатат.