УКМК тарабынан интернетте эркектин аялга зомбулук көрсөтүп жатканын көрсөткөн видео тасма боюнча ыкчам чара көрүлдү.

Атайын кызматтын басма сөз кызматы бүгүн тараткан маалыматка караганда, жүргүзүлгөн ыкчам-иликтөө иш-чараларынын натыйжасында, видео тасмада көрсөтүлгөн мыйзамсыз аракеттерди ИИМдин атайын багыттагы полкунун кызматкери, милициянын капитаны Р.О.Б. жасагандыгы аныкталган. Н.к.Н. аттуу жарандын арызында, 2025-жылдын 17-майында ГЭС-5 аймагында мас абалында Р.О.Б. аттуу жаран бетине чаап жибергендиги айтылган.

Аталган факты боюнча УКМК тарабынан Кылмыш-жаза кодексинин 280-беренесине ылайык кылмыш иши козголуп, ИИМдин Ички иликтөө кызматынын Бишкек шаары боюнча ички иликтөө бөлүмү менен биргеликте жүргүзүлгөн иш-аракеттердин натыйжасында Р.О.Б. кармалып, убактылуу кармоочу жайга киргизилди.

Мындан тышкары, ага карата 2024-жылдын июнь айында медициналык кызматкерди сабоо фактысы боюнча дагы бир кылмыш иши козголгону аныкталды.

Бул эки окуя тең коомчулукта чоң нааразылыктарды жараткан. УКМК тарабынан тергөө иштери уланууда.