Кыргыздын улуттук баш кийими болгон ак калпак күнү 2011-жылдан баштап белгиленип келе жатат.
2016-жылы Жогорку Кеңештин токтому менен "5-Март - Ак калпак жана улуттук кийимдер күнү", - деп расмий түрдө бекитилген. Мындай чечим улуттук кийимдин маанисин сактоо, улуттук каада-салтты колдоп өнүктүрүү, жарандардын кыргыз маданиятына болгон сыймыктануу сезимдерин ойготуу максатында кабыл алынган.
Калпак байыртадан кыргыз элинин улуттук баш кийими, ата-бабалардын бизге калтырган көөнөргүс мурасы катары сакталып, өзүнө терең философияны камтыйт.
Ак калпак күнүнө карата Бишкекте жана аймактарда бир канча иш-чаралар уюштурулууда.
Google Play
App Store