Бүгүн Ош шаарынын мэриясынын, Жүргүнчүлөрдү ташуу агенттигинин кызматкерлеринен түзүлгөн жумушчу топ шаардагы маршруттук каттамдардын иштөө интервалдарына, алардын техникалык абалына көзөмөл жүргүздү.

Белгилей кетсек, учурда коомдук транспорт жүргүнчүлөрдү саат 21:00гө чейин тейлейт. Жүргүнчүлөр шаардагы кичи автобустардын ишин көзөмөлдөй баштагандан бери кечкисин каттаган маршруттук каттамдардын саны бир топ көбөйгөнүн билдиришүүдө.

Курманжан-Датка, Г.Айтиев, Масалиев көчөлөрүндө маршруттук таксилердин ишин текшерүүнүн жүрүшүндө №107 маршруттук линияда бузуу фактысы аныкталды. Тартип бузган тарапка тиешелүү чара көрүлөт. Мындан ары рейддик иш-чаралар күн сайын өткөрүлүп турат.