Таласта милиция кызматкерлери мыйзамсыз ок атуучу куралдарды сактап жүргөн жаранды кармады. Бул факт кылмыштардын жана жоруктардын бирдиктүү реестрине катталып, жазык кодексинин 253-беренесинин 2-бөлүмүндө каралган кылмыштын белгилери менен сотко чейинки өндүрүш иши ачылган.
Ыкчам аракеттердин натыйжасында шектүү адамдын өздүгү такталып, үйүн тинтүү учурунда мал сарайынан 1 даана “ИЖ-18Е” үлгүсүндөгү 12 калибрлүү курал, 1 даана 16 калибрлүү курал, 1 даана кесилип атайын даярдалган мылтык, гильза жана бычак табылган. Алынган курал-жарактар боюнча соттук экспертиза дайындалып, тергөө амалдары жүрүп жатат. Кармалган жаран тергөөдө сурак берүүдө.
Google Play
App Store