Акыркы бир күндүн ичинде коронавирус 155 адамдан табылып, эки бейтап көз жумду. Каза болгондор Бишкек шаарынын жана Чүй облусунун тургундары. 

Бишкекте коронавирус – 42 адамдан, Ош шаарында - 6, Чүй облусунда – 63, Ош облусунда - 12, Нарын облусунда - 6, Талас облусуда - 1, Ысык-Көл облусунда - 11, Жалал - Абад облусунда – 11, Баткен облусунда – 3 кишиден табылган. Ошондой эле, бир сутка ичинде 136 адам коронавирустан айыгып чыкты. Учурда стационарларда 708 бейтап, амбулатордук түрдө 1 миң 44 адам дарыланууда. Ал эми бир күндүн ичинде 2 миң 879 ПЧР изилдөө жүргүзүлдү. Өлкөдө пандемия башталгандан бери 83 миң 585 адам коронавирус жуктурган. Алардын ичинен 79 миң 509 киши айыгып чыкса, 1 миң 394 адам каза болду.

"Бир сутка ичинде өлкө боюнча медициналык кызматкерлер арасында коронавирус жуктуруп алган учур катталган жок. Үй карантининен бир медик айыгып чыкты. Пандемия башталгандан бери 4 миң 161 медицина кызматкери коронавирус жуктуруп алган, алардын ичинен 4 миң 67 медкызматкер айыгып чыкты",- деп билдирди Коомдук саламаттык сактоо башкармалыгынын башчысы Айнура Акматова.