2020-жылы Кыргызстандан 1250 студент Түркияда окуу үчүн стипендия алуу үчүн кайрылган. Бул тууралуу Ош шаардык мэриясынын басма сөз кызматы билдирди.

Анын айтымында, онлайн режиминде Түркияга окууга тапшырган студенттер менен маектешүү жүрүп жатат.

Ош шаарынын мэри Таалайбек Сарыбашов  Саид Юсуф баштаган делегация менен жолугушуу өткөрдү.

«Саид Юсуфтун айтымында, алар Кыргызстанга студенттерди, аспиранттарды жана докторанттарды маектешүү аркылуу Түркиядагы мыкты университеттерге кабыл алуу үчүн келишкен.  Маектешүү Түркиядагы эң абройлуу университеттерде окууга мүмкүнчүлүк берген  “Түркия стипендиялары 2020” программасына онлайн кайрылган студенттер менен жүргүзүлөт », - деп билдирди муниципалитет.

Белгиленгендей, Кыргызстандан 1250 студент документтерин тапшырып, 179у маектешүүгө чакырылган, анын ичинде Ош шаарынан 40ка жакын студент бар. Сынактан ийгиликтүү өткөн талапкерлер Түркияга билим алууга бара алышат. Бакалавриат, магистратура, докторантура жана изилдөө программалары боюнча студенттердин жатаканасы жана тамак-ашы үчүн ай сайын берилүүчү стипендияларды камтыйт.  Ошондой эле стипендия алуучуларга Түркияда жүргөндө медициналык камсыздандыруу берилет.