Соттолгон адамды жазалоого эмес, анын оңолуусуна мүмкүндүк берүүчү Пробация департаменти сентябрдын биринде бир жашка толду. Бул күнү аталган кызматтын түштүк аймактагы 3 шаардык бөлүмүнүн кызматкерлери жаңы кеңселүү болду.
Ош, Жалал-Абад жана Баткен облустары боюнча пробациянын аймак аралык башкармалыгынын 3 райондук бөлүмү жаңы иш орундарга көчүрүлдү. Кеңселердин ачылыштарына Юстиция министри, Пробация департаментинин кызматкерлери жана жергиликтүү бийлик өкүлдөрү катышты.
Имараттарды издөөгө Ош, Жалал-Абад жана Кызыл-Кыя шаарларынын жергиликтүү өз алдынча башкаруу органдары көмөктөшкөн. Аны, БУУнун Өнүктүрүү программасы капиталдык оңдоодон өткөрүп, ичин эмерек жана техникалар менен камсыздап берген. 3 имаратты реконструкциялоого жалпы 2,5 млн. сом жумшалган.
Google Play
App Store