Бүгүн, 7-сентябрда саат 04:47де Балыкчы - Каракол унаа жолунун 65-чакырымында кырсык болуп, анын кесепетинен 1 адам каза болду. Бул тууралуу Кыргызстандын Өзгөчө кырдаалдар министрлиги билдирди.
Белгиленгендей, Сары-Ой айылындагы унаа жолунда "Мерседес-Бенц" унаасынын айдоочусу рулду башкара албай, жол четиндеги бетонду сүзүп алган.
Натыйжада, 1991-жылы туулган эркек киши каза болуп, анын жанында бара жаткан эки жүргүнчү жапа чеккен. Ошол эле учурда, Өзгөчө кырдаалдар министрлиги маркумдун ким болгонун - айдоочу же жүргүнчү болгонун так айткан жок. Жабыркагандар тез жардам кызматынын дарыгерлери тарабынан Чолпон-Ата шаардык ооруканасына жеткирилди. Ал эми маркумдун сөөгү унаадан чыгарылып, Укук коргоо органдарына өткөрүлүп берилди.
Google Play
App Store