Изилдөөлөрдүн жыйынтыгында, 2020-жылдын биринчи жарым жылдыгы боюнча кыргызстандыктар Бажы кызматын эң коррупциялашкан мамлекеттик орган деп атады. Бул маалыматты Улуттук статистика комитети кабарлады.

Өлкөдөгү коррупциянын жалпы деңгээли өлкөнүн жашоочулары тарабынан 20,4 баллга бааланды. Бул 2019-жылдын аягына караганда 6,3 пунктка жогору. Калктын ишеним индекси баллдарда -100дөн +100гө чейин бааланды. Упай канчалык жогору болсо, ишеним ошончолук жогору болот.

Кыргызстандыктар Бажы кызматын эң коррупциялашкан мамлекеттик орган деп эсептешет. Бул тармак алты айдын ичинде 2,9 баллга татыды.

Жазаларды аткаруу мамлекеттик кызматы, Бажы кызматы, Мамлекеттик соттук-эксперттик кызматы коррупциялашкан кызматтардын сап башында турат.

2020-жылдын биринчи жарым жылдыгынын аягында жергиликтүү мамлекеттик администрациялар гана 50,3 балл топтой алышты. Өкмөттүн региондордогу ыйгарым укуктуу өкүлчүлүктөрү жана Жергиликтүү өз алдынча башкаруу иштери боюнча мамлекеттик агенттиги 49,5 баллдан алды.

Шаар тургундары Шаар мэриясын, Маданият министрлигин, Жергиликтүү өз алдынча башкаруу иштери боюнча мамлекеттик агенттигин, Жаштар жана спорт мамлекеттик агенттигин коррупциялашкан эмес деп эсептешет.