79 жаш курагында, белгилүү кинорежиссер, Кыргыз Эл артисти Болот Шамшиев дүйнөдөн кайтты. Болот Шамшиев, кино тармагына "Манасчы" аттуу даректүү тасмасы менен кирген. Режиссердун бул тырмак алды чыгармасы 1965-жылы Германияда өткөн кинофестивалда баш байгеге татыган.
Буга удаа эле "Караш-Караш", "Ысык-Көлдүн кызгалдактары", "Ак кеме", "Эрте жаздагы турналар", "Бөрү зындан", "Снайперлер" сыяктуу тасмалары жаралып, алар да авторго бир катар эл аралык сынактарда байгелүү орундарды алып келип турган.
Google Play
App Store