Кыргызстан агрардык өлкө болгондуктан, суу чарбасына, ирригация жана мелиорацияга өзгөчө көңүл бурулууда. Анын үстүнө өлкө калкынын 70 %ы элет жеринде жашагандыктан, жер менен жан багат. Ошондуктан, суунун молдугу түшүмдүн өбөлгөсү.
Сугат суу маселесин чечүү - артыкчылыктуу максат катары өлкөнү туруктуу өнүктүрүү боюнча Улуттук стратегияга камтылган. 2026-жылга чейин ирригацияны өнүктүрүү боюнча мамлекеттик программа кабыл алынган. Ага ылайык, жалпы 44 ирригациялык объектини куруу мерчемделген. Мындан улам, Аймактарды өнүктүрүү жана өлкөнү санариптештирүү жылында ирригация маселеси чечилүүдө.
Google Play
App Store