Кыргыз өкмөтүнүн аппаратында Улуу Ата Мекендик Согуштагы жеңиштин 74 жылдыгын өткөрүү боюнча жумушчу кеңешме өттү. Жеңиш майрамына карата өтчү иш-чараны уюштуруу жана ага даярдык көрүү милдеттери тиешелүү министрликтер менен ведомстволорго жүктөлгөн. Жеңиш күнүн белгилөөнүн урматына

1941-1945-жылдардагы Улуу Ата Мекендик Согуштун бардык ардагерлерине бир жолку кошумча жөлөк пул төлөнөт. Бишкек шаарынын Жеңиш аянтында митинг-реквием, майрамдык концерт өткөрүлүп, советтик мезгилдеги аскердик техника көргөзмөсү уюштурулат. Борбор калаада жана аймактарда Жеңиш күнүнө арналган көргөзмөлөр, салтанаттуу иш-чаралар өтөт. Негизги масштабдуу иш-чара — "Өлбөс полк" акциясы. Мындан тышкары, жогорку окуу жайлар менен мектептерде тегерек столдор уюштурулуп, лекциялар окулат.